Oleh Mahdi Andela
Assalamualaikom, kawom meutuwah
jinoe lon surah, saboh beurita.
ngen sya-e Aceh, lon tuleh kisah
mangat leubeh pah, watee neubaca.
Bacut lon rawi, keuh pak Aminullah
sejak 2017, jeut keuh wali kota.
Meumacam penghargaan, teuka meulimpah
mulai tingkat daerah, hingga dunia.
Bak uroe Selasa, tanggal 17
geu intat geuseurah, piagam geuba.
Dari kemenkumham, teuka geulangkah
keupala kantoe wilayah, Pak Zulkifli, S. H, M. H.
Teurimong geunaseh, yang raya leupah
dari pak Aminullah, sang Wali kota.
Keuh jajaran kemenkumham, yang ka trok langkah
penghargaan geuseurah, di pendopo wali kota.
Harapan geusampoe, le pak Aminullah
beugeubimbing, papah pemerintah kota.
Meunan geulakee, bak keupala kanto wilayah
pat-pat hana pah, ta benah sigra.
Ucapan seulamat, keuh pak Aminullah
dari keupala Kantoe Wilayah, pak Zulkifli, S. H, M. H.
Ateuh penghargaan, yang ka geuseurah
lagee geutitah, le pak mentri Yasona.
Adak kon pandemi, teungoh meuwabah
pak Mentri geulangkah, langsong u Banda.
Tapi situasi, yang golom that pah
maka geuyue wakilah, bak kamoe di Banda.
Kakanwil yakin, lheuh nyan geupeugah
kepemimpinan pak Aminullah, bereh lagoina.
Menjadi role model, keuh laen daerah
bahkan geupeugah, bagi Indonesia.